یک منبع معتبر از شهر دوشنبه پایتخت تاجیکستان به خبرگزاری پورانا گفت که چند تن از اعضای طالبان را در یکی از مهمان خانه‌های شهر دوشنبه واقع در میدان استقلال دیده است.
منبع خبر دو قطعه عکس به خبرگزاری پورانا فرستاده که شماری از اعضای طالبان را در داخل مهمان خانه «صفا» واقع در میدان استقلال شهر دوشنبه نشان می‌دهد.
منبع می‌گوید که به شکل ناگهانی متوجه حضور اعضای طالبان در هوتل شده و توانسته از یک نقطه دورتر، به‌گونه‌ای که کسی متوجه نشود، از آنان عکس بگیرید اما از نزدیک اعضای طالبان را ندیده و در مورد کیستی آنان و هدف سفر شان به دوشنبه چیزی نمی‌داند.
تاجیکستان با طالبان روابط رسمی ندارد و بلکه از مخالفان طالبان حمایت می‌کند. با توجه به این موضوع، حضور اعضای طالبان در شهر دوشنبه پرسش‌برانگیز و جالب توجه است.
